Arkitektoa eta Straddle 3 kolektiboko kidea. 90eko hamarkadaren amaieran, herritarren parte-hartzearen aldeko mugimenduetan murgiltzen hasi zenez geroztik, denetariko lanak egin ditu alor horretan: industria- eta kultura-sarearen berreskuratze-lanak, espazio publikoetan auzolana martxan jartzeko esku-hartzeak, etxebizitzari buruzko ikerketa-lanak… Hitzaldi, ikastaro eta lantegi ugaritan parte hartu du Europako eta Latinoamerikako hainbat zentro eta unibertsitatetan. Kode irekiko baliabideak diseinatu eta sustatu ditu, hirigintza parte-hartzailearekin lotutako proiektuen barruan betiere, eta bere idazlanak argitalpen espezializatu askotan zabaldu dituzte. Nazioarteko ArquitecturasColectivas eta CitizensLab sareetako kidea da.