Imma Jansana-k (Bartzelona, 1954) 1977an lortu zuen arkitekturako titulua Bartzelonako Arkitekto Goi Eskola Teknikoan.

1989tik 2001era bitartean, udal arkitektoa eta hirigintza-proiektuen arduraduna izan da El Prat de Llobregat-eko Udalean.

2006an, JANSANA, DE LA VILLA, DE PAAUW, ARQUITECTES S.L.P. enpresa sortu zuen Conchita de la Villa eta Robert de Paauw arkitektoekin batera.

Veneziako Arkitektura Institutuko (IUAV) irakaslea izan da, eta eskolak eman ditu ETSABeko Paisaiaren Arkitektura masterrean, Nafarroako Unibertsitateko paisaiari buruzko espezialista-ikastaroan eta Montevideoko Arkitektura Fakultatean.

Hainbat sari jaso ditu: besteak beste, hiru FAD sari, 1993an, 1994an eta 2019an; Construmat saria, 2009an, eta Espazio Publikoen Europako saria, 2012an. Gainera, 4 aldiz izan da finalista Espainiako Arkitektura Bienalean.